TUSHIRIKIANE PAMOJA

-

Mama Salma Kikwete Ayataka Mashirika, Makampuni Binafsi Kuwasaidia Watoto Yatima

Baadhi ya watoto yatima
Na Anna Nkinda, Maelezo

MKE wa Rais Mama Salma Kikwete ameyataka makampuni na mashirika binafsi kuwasaidia watoto yatima na wanaoishi katika mazingira hatarishi ili nao wajisikie kuwa wanahaki ya kupata furaha na mapenzi kama watoto wengine hali hiyo itazididi kuwajengea upendo baina yao na watoto wengine.
Mama Kikwete ambaye pia ni Mwenyekiti wa Taasisi ya Wanawake na Maendeleo (WAMA) ameyasema hayo leo wakati wa chakula cha mchana kwenye sherehe ya mwisho wa mwaka ya watoto yatima iliyofanyika katika viwanja vya Taasisi hiyo vilivyopo jijini Dar es Salaam.
Mwenyekiti huyo wa WAMA alisema kuwa alipoanzisha taasisi hiyo moja ya malengo yake ilikuwa ni kuwasaidia watoto yatima na wale wenye uhitaji maalum katika nyanja zote hususani ya elimu.
“Nilipata msukumo wa kufanya shughuli hizi kwani nimeona ni wajibu wangu nikiwa kama mwanamke na vilevile mama wa familia na pia kwa kufahamu kuwa Serikali ya Tanzania inatambua umuhimu wa kuboresha elimu kwa jamii hususani watoto hivyo inahitaji kusaidiwa na taasisis zisizo za kiserikali ili kufanikisha suala hili,” alisema Mama Kikwete.
Aliyaomba makampuni hayo wasichoke kuwasaidia watoto hao bali waendelee na moyo wa kuwasaidia kwa kupeleka mahitaji muhimu ya kibinadamu kwenye vituo vyao na kisha kujumuika nao katika hafla kama hiyo kwani ni jambo muhimu sana kwa taifa na kwa watoto kwakuwa wanapata faraja kubwa.
Chakula hicho cha mchana kiliandaliwa na Taasisi ya WAMA kwa kushirikiana na kampuni ya Simenti ya Twiga na Rotary Club. Watoto waliohudhuria sherehe hizo ni kutoka Kituo cha watoto yatima cha Malaika cha Mkuranga, Umra cha Magomeni, Kurasini, Mama Lenga kutoka Kigogo na Kituo cha watoto Yatima cha Kiislamu cha Mwandamila cha Boko.

Comments

Post a Comment

Popular posts from this blog

WATOTO WA MITAANI NA JINSI YA KUWASAIDIA

-
Image
Ukatili dhidi ya watoto umeongeza idadi ya watoto wanaoishi kwenye mazingira hatarishi licha ya kuwepo juhudi za kupambana na tatizo hilo.        Watoto wanaoishi katika mazingira hayo, huathirika kisaikolojia kutokana na kujiingiza katika vitendo vya matumizi ya gundi na dawa za kulevya, huku sehemu ya jamii katika ngazi ya familia na kuficha tatizo badala ya kulipeleka kwenye vyombo vya dola. Wanafanya hivyo kwa maelezo kuwa wanaogopa aibu, matokeo yake kuna ongezeko la watoto wa mtaani, baadhi ambao bado wapo chini ya matunzo ya wazazi wao, lakini wanajiingiza katika tabia ya kuomba fedha na wanaonekana mitaani katika miji mbali mbali nchini. Ukatili unafanyika dhidi ya watoto kuanzia ngazi ya familia na ndugu wa karibu kwa kumbaka au kumlawiti mtoto anyeishi nao. Sheria ya mtoto namba 21 ya mwaka 2009, inalenga kurekebisha na kuimarisha sheria zote zihusuzo watoto, kuainisha haki, kukuza na kulinda maslahi bora ya watoto kwa mujibu wa sheria. Kuna uwezekano wa kul
Read more

TUWAKUMBUKE WATOTO WENYE MTINDIO WA UBONGO KAMA KUNDI MAALUM KATIKA JAMII ZETU

-
Image
  Stephanie Koster Mama Mlezi wa Kituo cha Mt. Nicholaus Children Center Akisoma Historia ya Kituo Kwa Wageni Waliotembelea Kituo hapo tarehe 05/02/2013 Mwanadamu mkamilifu apoamka asubuhi na kuanza siku yake kwa kutekeleza majukumu yake ya kawaida ya kila siku ya kujiingizia kipato halali cha kujikimu na kuyafanya maisha yasonge mbele huwa siyo rahisi kukumbuka kuwa kuna binadamu ambao wanahitaji msaada na uangalizi wa karibu sana. Mashirika, Taasisi mbalimbali za serikali na binafsi aidha watu mmoja mmoja katika kuangalia makundi maalum ya kusaidia mara nyingi huwakumbuka watoto yatima na waishio katika mazingira magumu, wazee na walemavu wa viungo. Lakini kuna kundi maalum ambalo jamii hulisahau bila kulipa kipaumbele.. Walemavu wenye utindio wa ubongo katika jamii zetu za kitanzania husaulika sana na kuachwa bila msaada wowote wa karibu, mfano kupatiwa huduma ya karibu kama huduma za kiafya, elimu aidha kuwa na mahusiano ya kawaida katika j
Read more

AYA ZA BIBLIA KUHUSU WATU WENYE ULEMAVU

-
Image
    YOHANA 9:2-7 Wanafunzi wake wakamwuliza Wakisema Radi, ni yupi aliyetenda dhambi, mtu huyu au wazazi wake, hata zaliwe kipofu? Yesu akajibu, Huyu hakutenda dhambi wala wazazi wake; bali kazi za Mungu zidhihirishwe ndani yake. Imetupasa kuzifanya kazi zake yeye aliyenipeleka maadamu ni mchana na usiku waja asipoweza mtu kufanya kazi. Muda nilipo ulimwenguni mimi ni nuru ya ulimwengu. Alipokwisha kusema hayo alitema mate chini, akaifanya tope kwa yale mate. Akampaka kipofu tope za macho, akamwambia Nenda kanawe katika birika ya Siloamu, basi akaenda na kunawa; akarudi anaona. Basi jirani zake na wale waliomwona zamani kuwa ni mwombaji wakasema, Je! Huyu si Yule aliyekuwa akiketi na kuomba? Wengine wakasema, ndiye wengine wakasema La, lakini amefanana naye. Yeye mwenyewe alisema, Mimi ndiye.    Mwandishi wa kitabu hiki amenikumbusha mbali, hasa kutokana na mitazamo hasi katika jamii dhidi ya walemavu kwa ujumla, ila pia nimepata amani hasa nilipotazama kumbe mita
Read more