WALEMAVU WANAPASWA KUTHAMINIWA...!!!!

Tumefanikiwa kuangaza Vijijini na 

kutembelea katika Shule ya Walemavu ka Katumba 2 iliyopo Wilaya ya 

Rungwe, Mkoani Mbeya, jamani wanahitaji msaada ili nao wajione wana nafasi

na mchango mkubwa wenye umuhimu katika jamii.

Sio kuwatenga, sio kuwaacha kwani sote ni sawa, kumbuka kuwa nao wanandoto kuwa kama huyu au yule.

Wasaidie kwa moyo wako wote watoto hawa.

Sote yatupasa kuwa nao, tushirikiane kwa pamoja tuhakikishe nao pia wanapata elimu ya kutosha. (Picha na Kamanga na Matukio & Chimbuko Letu, Katumba - Mbeya)

******

Makala na Ester Macha, Mbeya.

Walemavu ni watu ambao wanatakiwa kuthaminiwa 

katika jamii

kutokana na hali halisi ya maumbile yao

waliyozaliwa nayo au hata kwa waliopata ulemavu baada ya kuzaliwa kuwa hivyo jamii hiyo haina budi kupewa kipaumbele 

katika masuala muhimu hususani suala la elimu ambapo wengi wao wamekuwa

nyuma kielimu.

Nadiriki kusema hivyo kwasababu mara nyingi jamii imekuwa

ikiwasahau walemavu na kuwatenga kutokana na jinsi walivyo na kusahau kuwa nao

wana haki ya kuheshimiwa, kupendwa, kuthaminiwa kama

watu wengine ambavyo wanajaliwa  na

jamii.

Lakini cha kushangaza hali hiyo imekuwa tofauti kwa jamii

hii ya walemavu ambapo baadhi ya kaya zimekuwa zikiwatenga watu hawa kwa

kuwafungia ndani kwa kuona kuwa ni mkosi katika familia husika.

Vile vile hata wabunge na madiwani wamekuwa wakisahau  jukumu la kuwasaidia walemavu na kujikuta

wakiendelea kusaidia wananchi wengine huku wakifahamu kuwa kuna kundi lingine

la walemavu ambao wanahitaji msaada mkubwa hasa maeneo ya vijijini ambako

wamekuwa na dhana ya kuona kuwa walemavu ni mkosi katika familia zao.

Nashauri viongozi waliopewa mamlaka ya kusaidia wananchi pia

waone au kufika vijijini na kutambua kero mbali za walemavu na si kuwaangalia

watu wanaojiweza pekee yao

ambao ndio wameona ni msaada pekee kwao.

Huko vijijini kuna walemavu wapo ndani zaidi ya miaka 20

hawajawahi kutoka nje zaidi ya kukaa ndani tu, kama

viongozi hawataweza kujua kero za wapiga wao kwa kuangalia pande zote mbili

ambazo ni walemavu na wananchi wenye uwezo huku wakisahau kundi hili la

walemavu ambao nao ni wapiga kura licha ya kuwa ni walemavu.

Katika pita pita yangu nimekuwa nikishuhudia mikutano au

vikao vingi ambavyo vimekuwa vikifanywa na Wabunge na Madiwani  lakini kilichonisahangaza sijaona kati ya

viongozi hawa aliyejaribu kugusia kero za walemavu ambazo zinawakabili katika

maeneo yao.

Jambo ambalo nimeliona na ambalo linatakiwa kuigwa na

wabunge  na madiwani wengine ni hili la

Naibu Waziri wa Elimu na Mafunzo ya Ufundi Bw.Philipo Mulugo (Mb) kuweka

kipaumbele kwa walemavu na wazee ambao hawajiwezi kimaisha kuwasaidia kila

anapofika kufanya mikutano ya hadhara katika Jimbo lake  yote ni kuweza kujua kero za wananchi wote.

Nimeamua kusema hivi si kwamba nimeamua kumpa sifa Mbunge

huyu bali ni kutokana na utendaji wa kazi wake wa Ubunge ambao amekuwa

akiufanya bila ubaguzi kwa kuona kuwa kuna kundi maalumu la walemavu wote ambao

wanastahili kupata huduma na kama watu

wengine.

Kwa kutambua kundi hili mbalo mara nyingi limekuwa

likitengwa na jamii  na hata wengine

wameshindwa kutoka  ndani zaidi ya miaka

20 sasa Bw. Mulugo aliamua kutoa baiskeli 200 

zenye thamani ya mil. 50 kwa walemavu na wazee wote wa jimbo lake la  Songwe .

Ninachokiona hapa ni kwamba 

Mbunge huyu aliamua kufanya hivi baada ya kuona kuwa jimbo hilo la

Songwe kuwa na idadi kubwa ya walemavu ambao hawakuwa na msaada wowote na kuona

umuhimu wa kuwasaidia wale walemavu ambao hawajaweza kutoka ndani kwa muda

mrefu kutokana na hali halisi waliyonayo.

Si jimbo la songwe pekee lenye walemavu bali hata majimbo mengine pia yana 

  walemavu wengi ambao wanahitaji vitendea kazi ili waweze kutembea na

kufanya shughuli zao je nani wa kuwaona kama

si viongozi wenyewe kuangalia makundi haya ambayo mara  kadhaa yamekuwa yakitengwa na jamii?

Nimekuwa nikishuhudia idadi kubwa ya walemavu wakiwa mitaani

kuomba kuomba ili kuweza kujikimu kimaisha kutokana na hali duni waliyonayo ya

kimaisha.

Nionavyo kwa upeo wangu msaada huu hautoshi pekee bali

kinachotakiwa ni kupata nguvu nyingine ya kuwasaidia walemavu  ili nao waweze kujisaidia wenyewe kwa nguvu

zao kwa kuwa wamepata vifaa mbavyo vitawawezesha kuweza kushiriki vema shughuli

zote za kijamii.

Si kwamba napinga msaada wa Bw. Mulugo kwanza napongeza kwa

wazo zuri alilokaa na kufikiri kwamba kundi hili limekuwa likihitaji msaada

mkubwa na pia ameona mbali kwa kuona kuwa walemavu mara nyingi ni watu ambao

wanakuwa watengwa na jamii na hata viongozi walio wengi wamekuwa wakiwasahau kwa

mchango wao.

Ushauri wangu kwa Bw.Mulugo ni kuongeza bidii zaidi kwa

kutafuta mbinu mbali mbali za kuweza kuwsaidia walemavu wa jimbo lake ambao kwa

sasa wamepata miguu ya kutembelea kikubwa kilichopo kwao ni Mbunge huyu  kuwatafutia mitaji ili waweze kufanya  shughuli zao wenyewe na si kukaa kutegemea

kupata misaada.

Pia jamii nzima kwa ujumla tukiwa na mitazamo ya namna hii tutaweza kuwawezesha walemavu Tanzania kujikwamua katika umasikini uliopindukia
 na walemavu waliofichwa majumbani waweze kutolewa

nje na kusaidiwa  kwa kufanya hivyo

kutafanya idadi ya walemavu wanaofichwa ndani kupungua na hata wale ambao

walikuwa hawatembei wataanza kujishughulisha ili kujiongezea vipato na hatimaye kuacha kuwa tegemezi.