“ULEMAVU SIO UMASKINI” DONATUS MASAU

-

Naitwa Donatus Masau ni mwenyekiti wa CHAWATA wilaya ya Musoma vijijini, nimeoa na nina watoto saba (7).

Kwa ufupi nilizaliwa nikiwa mzima lakini katika udogo wangu nilianza kuugua homa, baada ya kupelekwa hospitali nikagundulika kuwa na ugonjwa wa Polio ambao ulipelekea miguu yangu yote miwili kushindwa kufanya kazi. Baada ya kupelekwa kwa waganga wa kienyeji ndo nikabahatika kupona mguu mmoja.
 
Katika mchakato wakuliendea swala la ndoa nilipata ushirikiano mzuri kutoka kwa wazazi na familia yangu. Baada ya kumaliza shule nilishauriwa kuoa, bahati nzuri akapatikana mchumba akaposwa, mahali ikatolewa na tukaoana mwaka 1987na nilifunga ndoa ya kikristu.
 
Kwakweli mtu mwenye ulemavu tukubali tusikubali inafikia hatua mpaka jamii ije kukuheshimu na kukuthamini ni pale unapokua unajijari we mwenyewe. Heshima yangu ya kwanza nimejikita sana kwenye ushauri, mwenzangu akikosea najaribu kumweleza kwamba hiki ulichokifanya sio sawa. Hali hii ilienda mpaka jamii yangu wakaona kuna haja ya kuniteua na kunipa ukatibu wa ukoo na hivyo naratibu shughuli zote za ukoo wangu. Kwa hali hiyo naona kama naenda vizuri na jamii yangu na wanakuja kuniomba ushauri wa mambo mbalimbali na tunaheshimiana kwakweli.
 
Kwa ujumla ndoto zangu ni kuona hakuna unyanyasaji kwa wenzangu na ikitokea nawahi haraka kutoa ushauri. Kwa mfano kama walemavu wenzangu najaribu sana kutafuta njia za kuwasaidia ili kutatua matatizo yanayo wakabili ili tuwe kwenye mtazamo mzuri wa maisha. Ulemavu sio umaskini ila ni bahati mbaya kua kuna baadhi ya viungo vinakua na hitilafu ila vichwa vinafanya kazi, tunaweza tukakaa tukabuni na kufanya maendeleo kama watu wengine.
 
Naiomba jamii itambue kwamba walemavu ni binaadamu kama walivo wao na wanataka heshima wathaminiwe, hivyo ione umuhimu wa kuwapeleka shuleni ili wapate elimu hii itawafanya wafikie hatua ya kuwa msaada katika jamii zao.
 
Taasisi za kiraia napenda kuzishauri kua zitambue yakwamba idadi kubwa ya walemavu wako vijijini hivyo zione umuhimu wa kufanya mahusiano mazuri na vijiji ambako walemavu wanahitaji misaada mbalimbali. Waje vijijini kuwaelimisha na kuwapatia mwanga watu wenye ulemavu kuliko kuishia mjini pekeake ambako unakuta idadi ya walemavu sio kubwa kama vijijini.
 
Walemavu nawashauri kujenga tabia ya kupendana sisi kwa sisi, mara nyingi sana mnapokua mnapendana ni rahisi kusaidiana kwenye mambo mbalimbali. Mlemavu lazima asiwe na tabia ya kuwabagua watu wengine, awapende na hii itapelekea watu kumsaidia. Lazima mlemavu aoneshe uwezo wa kutenda na sio kufanya majungu. Kitu kinachotualibia sana nikwamba watu wanasema sisi walemavu ni wakorofi! La! Ukorofi wetu unatokea pale ambapo itikadi yangu na ya kwako zitakapo tofautiana, kwa hiyo mlemavu kama mlemavu shirikishwa na kubali mabadiliko.
 
Serikali naiomba iwajali sana walemavu, kwa mfano serikali imeweka sheria ya kuwasaidia na kuwalinda walemavu lakini  haikuweka angalizo la je wasipolindwa nini kifanyike? Sasa ni sheria gani itatekelezwa bila kanuni? Kwahyo naishauri serikali iweke mpangilio mzuri wa kuwalinda na kuwasaidia walemavu sababu hatuna sehemu yoyote ya kujikita kama sio huko serikalini.

Comments

Post a Comment

Popular posts from this blog

WATOTO WA MITAANI NA JINSI YA KUWASAIDIA

-
Image
Ukatili dhidi ya watoto umeongeza idadi ya watoto wanaoishi kwenye mazingira hatarishi licha ya kuwepo juhudi za kupambana na tatizo hilo.        Watoto wanaoishi katika mazingira hayo, huathirika kisaikolojia kutokana na kujiingiza katika vitendo vya matumizi ya gundi na dawa za kulevya, huku sehemu ya jamii katika ngazi ya familia na kuficha tatizo badala ya kulipeleka kwenye vyombo vya dola. Wanafanya hivyo kwa maelezo kuwa wanaogopa aibu, matokeo yake kuna ongezeko la watoto wa mtaani, baadhi ambao bado wapo chini ya matunzo ya wazazi wao, lakini wanajiingiza katika tabia ya kuomba fedha na wanaonekana mitaani katika miji mbali mbali nchini. Ukatili unafanyika dhidi ya watoto kuanzia ngazi ya familia na ndugu wa karibu kwa kumbaka au kumlawiti mtoto anyeishi nao. Sheria ya mtoto namba 21 ya mwaka 2009, inalenga kurekebisha na kuimarisha sheria zote zihusuzo watoto, kuainisha haki, kukuza na kulinda maslahi bora ya watoto kwa mujibu wa sheria. Kuna uwezekano wa kul
Read more

TUWAKUMBUKE WATOTO WENYE MTINDIO WA UBONGO KAMA KUNDI MAALUM KATIKA JAMII ZETU

-
Image
  Stephanie Koster Mama Mlezi wa Kituo cha Mt. Nicholaus Children Center Akisoma Historia ya Kituo Kwa Wageni Waliotembelea Kituo hapo tarehe 05/02/2013 Mwanadamu mkamilifu apoamka asubuhi na kuanza siku yake kwa kutekeleza majukumu yake ya kawaida ya kila siku ya kujiingizia kipato halali cha kujikimu na kuyafanya maisha yasonge mbele huwa siyo rahisi kukumbuka kuwa kuna binadamu ambao wanahitaji msaada na uangalizi wa karibu sana. Mashirika, Taasisi mbalimbali za serikali na binafsi aidha watu mmoja mmoja katika kuangalia makundi maalum ya kusaidia mara nyingi huwakumbuka watoto yatima na waishio katika mazingira magumu, wazee na walemavu wa viungo. Lakini kuna kundi maalum ambalo jamii hulisahau bila kulipa kipaumbele.. Walemavu wenye utindio wa ubongo katika jamii zetu za kitanzania husaulika sana na kuachwa bila msaada wowote wa karibu, mfano kupatiwa huduma ya karibu kama huduma za kiafya, elimu aidha kuwa na mahusiano ya kawaida katika j
Read more

AYA ZA BIBLIA KUHUSU WATU WENYE ULEMAVU

-
Image
    YOHANA 9:2-7 Wanafunzi wake wakamwuliza Wakisema Radi, ni yupi aliyetenda dhambi, mtu huyu au wazazi wake, hata zaliwe kipofu? Yesu akajibu, Huyu hakutenda dhambi wala wazazi wake; bali kazi za Mungu zidhihirishwe ndani yake. Imetupasa kuzifanya kazi zake yeye aliyenipeleka maadamu ni mchana na usiku waja asipoweza mtu kufanya kazi. Muda nilipo ulimwenguni mimi ni nuru ya ulimwengu. Alipokwisha kusema hayo alitema mate chini, akaifanya tope kwa yale mate. Akampaka kipofu tope za macho, akamwambia Nenda kanawe katika birika ya Siloamu, basi akaenda na kunawa; akarudi anaona. Basi jirani zake na wale waliomwona zamani kuwa ni mwombaji wakasema, Je! Huyu si Yule aliyekuwa akiketi na kuomba? Wengine wakasema, ndiye wengine wakasema La, lakini amefanana naye. Yeye mwenyewe alisema, Mimi ndiye.    Mwandishi wa kitabu hiki amenikumbusha mbali, hasa kutokana na mitazamo hasi katika jamii dhidi ya walemavu kwa ujumla, ila pia nimepata amani hasa nilipotazama kumbe mita
Read more