HEAR MY VOICE

Na Fabiola Nassib wa HEAR MY VOICE-Arusha Watoto wenye walemavu waishio mkoani Arusha wameililia serikali juu ya kuboresha mfumo wa elimu hasa sekondari unaowatenga hali inayowafanya kukata tamaa ya kuthamini elimu. Wakiongea na HEAR MY VOICE ilipotembelea shule ya msingi Meru kwa niaba ya wanafunzi wenzake wenye ulemavu wa aina tofauti tofauti Brenda Honest mwenye ulemavu wa kutosikia (KIZIWI) alisema kuwa  mfumo wa elimu hasa wa shule za sekondari hau wajali wala kuthamini walemavu kama wao. Brenda aliendelea kusema kusema kuwa ingawa wao ni walemavu lakini jamii itambue kuwa ulemavu huo hawakuuchagua hivyo ameiomba serikali na jamii yote kwa ujumla kuwasaidia kwa kuwasapoti katika mambo mbali mbali zitakazowawezesha kujitegemea hapo baadae na siyo kuwa tegemezi siku zote za maisha yao. Akitolea mfano mambo wanayohitaji kuungwa mkono Brenda alisema kuwa mfumo wa elimu hasa katika shule za sekondari na kuendelea, haijawapa kipaumbele walemavu hasa wa ku

                                  Baadhi ya wanafunzi wasioona Na mdau Fred Azzah NI nadra kwa  watu wengi kuchagua kufanya kazi ngumu tena wakijua haina maslahi mazuri. Kwa wanaojitokeza kuchagua kazi za aina hii, nawaita watu majasiri wakiwamo walimu wa elimu maalum ambao licha ya kujua kwamba kufundisha watoto wenye ulemavu  ni kibarua kigumu, bado wanatekeleza majukumu yao kwa moyo mkunjufu. Mmoja wa majasiri hawa ni mwalimu Andrew Koti wa kitengo cha wanafunzi wasiosikia na  wasioona katika Shule ya Msingi Uhuru Mchanganyiko ya jijini Dar es Salaam,  anayesema inahitaji uvumilivu mkubwa na wito kuwafundisha walemavu wa aina hiyo. Hawa watoto huwa wanakuja hapa hawajui kufanya kitu chochote, inabidi mwalimu uanze kuwafundisha jinsi ya kula, kwenda chooni, kutembea na vitu vingine kama hivyo.  Mara nyingi  watoto hawa huwa  ni wale wanaofungiwa ndani hawajui kufanya chochote, anasema Koti na kuongeza: Wengi huwa wanatupiwa chakula tu, hawajui hata kula kwa kutumi

  Stephanie Koster Mama Mlezi wa Kituo cha Mt. Nicholaus Children Center Akisoma Historia ya Kituo Kwa Wageni Waliotembelea Kituo hapo tarehe 05/02/2013 Mwanadamu mkamilifu apoamka asubuhi na kuanza siku yake kwa kutekeleza majukumu yake ya kawaida ya kila siku ya kujiingizia kipato halali cha kujikimu na kuyafanya maisha yasonge mbele huwa siyo rahisi kukumbuka kuwa kuna binadamu ambao wanahitaji msaada na uangalizi wa karibu sana. Mashirika, Taasisi mbalimbali za serikali na binafsi aidha watu mmoja mmoja katika kuangalia makundi maalum ya kusaidia mara nyingi huwakumbuka watoto yatima na waishio katika mazingira magumu, wazee na walemavu wa viungo. Lakini kuna kundi maalum ambalo jamii hulisahau bila kulipa kipaumbele.. Walemavu wenye utindio wa ubongo katika jamii zetu za kitanzania husaulika sana na kuachwa bila msaada wowote wa karibu, mfano kupatiwa huduma ya karibu kama huduma za kiafya, elimu aidha kuwa na mahusiano ya kawaida katika j

Mwanaharusi Juma akiwa nje ya nyumba yake pamoja na watoto wake Ahaj (10) mwenye shati Nyekundu na Abdulatifu. Abdulatifu Sadik (5) akipata kifungua kinywa nje ya nyumbani kwao. Mtoto Alhaj akiwa amesimama. Mtoto Alhaj akiwa anatembea. Mtoto Alhaj. (Picha zote na Nathaniel Limu). Mjumbe wa kamati ya shule ya msingi Ndulungu tarafa ya Ndago wilayani Iramba mkoa wa Singida, Sadik Suleman Mnyawi (44), amemtelekeza mke wake mdogo Mwanaharusi Juma (34), kwa zaidi ya miaka miwili na kumsababishia maisha kuwa magumu. Imedaiwa kwamba Mnyawi amemtelekeza mke wake huyo, kwa madai kwamba amezaa watoto wawili wanaofafana na nyani. Mjumbe huyo wa kamati ya shule, amemtelekeza mke wake mdogo na kumpora nguo zote na kumwachia zile alizokuwa amevaa tu.  Pia aliondoka na matandiko yote ya kitandani na kubakisha chaga pekee. Akizungumza na waandishi wa habari, Mwanaharusi awali alikuwa ameolewa na mwanaume mwingine waliobahatika kupata mtoto mmoja, Fadhili Jum

Baadhi ya watu wenye ulemavu Na Mwandishi Wetu, Moshi JAMII imetakiwa kuondokana na mitazamo potofu juu ya watu wenye ulemavu, kwamba kundi hilo haliwezi kujitegemea hata kama likiwezeshwa. Pamoja na hayo ujenzi wa sasa wa majengo ya huduma na miundombinu hayana budi kuzingatia kundi la walemavu ili kulijali kundi hili. Rai hiyo imetolewa na Shirikisho la Vyama vya Watu wenye Ulemavu Tanzania (SHIVAWATA) mkoani Kilimanjaro, wakati wa mafunzo ya kuvijengea uwezo vyama vya watu wenye ulemavu Manispaa ya Moshi, ambapo yalijadiliwa mambo anuai ikiwemo vikwazo na mitazamo hasi iliyojengeka juu ya watu wenye ulemavu. Akizungumza Katibu wa Shirikisho hilo mkoani Kilimanjaro, Zacharia Masawe alisema walemavu wanakabiliwa na changamoto kubwa ya mtazamo hasi, ambapo wamekuwa wakionekana kuwa ni watu ombaomba na watu wasioweza kufanya chochote jambo ambalo si sahihi. Alisema mitazamo hiyo katika jamii imekuwa ikisababisha walemavu kudharaulika na kukosa haki zao za kim

Mama Salma Kikwete Ayataka Mashirika, Makampuni Binafsi Kuwasaidia Watoto Yatima Baadhi ya watoto yatima Na Anna Nkinda, Maelezo MKE wa Rais Mama Salma Kikwete ameyataka makampuni na mashirika binafsi kuwasaidia watoto yatima na wanaoishi katika mazingira hatarishi ili nao wajisikie kuwa wanahaki ya kupata furaha na mapenzi kama watoto wengine hali hiyo itazididi kuwajengea upendo baina yao na watoto wengine. Mama Kikwete ambaye pia ni Mwenyekiti wa Taasisi ya Wanawake na Maendeleo (WAMA) ameyasema hayo leo wakati wa chakula cha mchana kwenye sherehe ya mwisho wa mwaka ya watoto yatima iliyofanyika katika viwanja vya Taasisi hiyo vilivyopo jijini Dar es Salaam. Mwenyekiti huyo wa WAMA alisema kuwa alipoanzisha taasisi hiyo moja ya malengo yake ilikuwa ni kuwasaidia watoto yatima na wale wenye uhitaji maalum katika nyanja zote hususani ya elimu. “Nilipata msukumo wa kufanya shughuli hizi kwani nimeona ni wajibu wangu nikiwa kama mwanamke na vilevile mama wa fam

Naitwa Donatus Masau ni mwenyekiti wa CHAWATA wilaya ya Musoma vijijini, nimeoa na nina watoto saba (7). Kwa ufupi nilizaliwa nikiwa mzima lakini katika udogo wangu nilianza kuugua homa, baada ya kupelekwa hospitali nikagundulika kuwa na ugonjwa wa Polio ambao ulipelekea miguu yangu yote miwili kushindwa kufanya kazi. Baada ya kupelekwa kwa waganga wa kienyeji ndo nikabahatika kupona mguu mmoja.   Katika mchakato wakuliendea swala la ndoa nilipata ushirikiano mzuri kutoka kwa wazazi na familia yangu. Baada ya kumaliza shule nilishauriwa kuoa, bahati nzuri akapatikana mchumba akaposwa, mahali ikatolewa na tukaoana mwaka 1987na nilifunga ndoa ya kikristu.   Kwakweli mtu mwenye ulemavu tukubali tusikubali inafikia hatua mpaka jamii ije kukuheshimu na kukuthamini ni pale unapokua unajijari we mwenyewe. Heshima yangu ya kwanza nimejikita sana kwenye ushauri, mwenzangu akikosea najaribu kumweleza kwamba hiki ulichokifanya sio sawa. Hali hii ilienda mpaka jamii yangu wakaona k

Tumefanikiwa kuangaza Vijijini na  kutembelea katika Shule ya Walemavu ka Katumba 2 iliyopo Wilaya ya  Rungwe, Mkoani Mbeya, jamani wanahitaji msaada ili nao wajione wana nafasi na mchango mkubwa wenye umuhimu katika jamii. Sio kuwatenga, sio kuwaacha kwani sote ni sawa, kumbuka kuwa nao wanandoto kuwa kama huyu au yule. Wasaidie kwa moyo wako wote watoto hawa. Sote yatupasa kuwa nao, tushirikiane kwa pamoja tuhakikishe nao pia wanapata elimu ya kutosha. (Picha na Kamanga na Matukio & Chimbuko Letu, Katumba - Mbeya) ****** Makala na Ester Macha, Mbeya. Walemavu ni watu ambao wanatakiwa kuthaminiwa  katika jamii kutokana na hali halisi ya maumbile yao waliyozaliwa nayo au hata kwa waliopata ulemavu baada ya kuzaliwa kuwa hivyo jamii hiyo haina budi kupewa kipaumbele  katika masuala muhimu hususani suala la elimu ambapo wengi wao wamekuwa nyuma kielimu. Nadiriki kusema hivyo kwasababu mara nying

Kundi la watoto likiwa katika eneo hilo hatari kwa afya na ustawi wa elimu ya mtoto wa kitanzania, kwani hata akiwa darasani anawaza ajira hiyo. Baadhi ya watoto wa kike wanaojishughulisha na ubondaji wa kokoto katika eneo la Zizi la Ng'ombe, Manispaa ya mji wa Iringa.  Mama akiwa na watoto wake katika eneo la Zizi la Ng'ombe, hali hii licha ya kuchangia  ajira kwa watoto pia si ajira hiyo si salama kiafya kutokana na vumbi kali linalotokana na kugongwa kwa mawe kuwadhuru.  Badhi ya watoto waliokutwa na mtandao huu, wakiwa wamejipumzisha, lakini wakiendelea na biashara ya kuuza ndizi.  Watoto wakiendelea na ajira, ambayo ina madhara kwa siku za usoni, kwani baadhi yao hutoroka shule ili kujipatia ajira hizo KWA miaka mingi haki za watoto zinakiukwa hasa katika suala la kuwaajiri chini ya umri wao, hili ni kosa kisheria, kwani b aadhi ya wanaharakati wa haki za binadamu wanasema pengine ni kutokana na watoto hao kutokuwa na uamuzi kua

WATOTO KUTUMIKISHWA BADO NI TATIZO KUBWA TANZANIA Serikali imesema asilimia 18.7 ya watoto wenye umri kuanzia miaka 5 hadi 17 bado wanatumikishwa katika ajira hatarishi nchini licha ya kuwepo kwa jitihada mbalimbali za kudhibiti vitendo hivyo. Kauli hiyo imetolewa na Naibu Waziri wa Kazi na Ajira Dk, Makongoro Mahanga. Amesema takwimu zinaonyesha kwamba watoto hao wanatumikishwa sana katika sehemu mbalimbali kama migodini, majumbani, mashambani, katika shughuli za uvuvi na katika shughuli za ukahaba. Amesema jumla ya watoto milioni 65 wanatumikishwa katika vitendo hivyo katika nchi za Africa  zilizoko katika jangwa la Sahara, wakati watoto milioni 215 wanatumikishwa katika vitendo hivyo duniani kote. Changamoto kubwa inayochangia vitendo hivyo ni umasikini, pamoja na utelekezaji wa watoto, wengine kufiwa na wazazi wao au baadhi ya wazazi kuwafanya vitega uchumi vyao kwa kuwatumikisha katika shughuli za kuombaomba. HILI SUALA NI TATIZO KUBWA SANA NA NI KINYU

    YOHANA 9:2-7 Wanafunzi wake wakamwuliza Wakisema Radi, ni yupi aliyetenda dhambi, mtu huyu au wazazi wake, hata zaliwe kipofu? Yesu akajibu, Huyu hakutenda dhambi wala wazazi wake; bali kazi za Mungu zidhihirishwe ndani yake. Imetupasa kuzifanya kazi zake yeye aliyenipeleka maadamu ni mchana na usiku waja asipoweza mtu kufanya kazi. Muda nilipo ulimwenguni mimi ni nuru ya ulimwengu. Alipokwisha kusema hayo alitema mate chini, akaifanya tope kwa yale mate. Akampaka kipofu tope za macho, akamwambia Nenda kanawe katika birika ya Siloamu, basi akaenda na kunawa; akarudi anaona. Basi jirani zake na wale waliomwona zamani kuwa ni mwombaji wakasema, Je! Huyu si Yule aliyekuwa akiketi na kuomba? Wengine wakasema, ndiye wengine wakasema La, lakini amefanana naye. Yeye mwenyewe alisema, Mimi ndiye.    Mwandishi wa kitabu hiki amenikumbusha mbali, hasa kutokana na mitazamo hasi katika jamii dhidi ya walemavu kwa ujumla, ila pia nimepata amani hasa nilipotazama kumbe mita