YOTE NI MAPENZI YA MUNGU.

-

MTOTO ALIYEUNGANA MIDOMO AZALIWA LINDI

MKAZI wa Kata ya Nyengedi, Halmashauri ya Wilaya ya Lindi, amejifungua mtoto huku midomo yake ikiwa imeungana hali inayomfanya kupata shida wakati wa kunyonya maziwa ya mama yake.Habari kutoka eneo hili zilizothibitishwa na wazazi wa kijana huyo, zinaeleza mtoto huyo amezaliwa katika Zahanati ya kijiji hicho, Agosti 2 mwaka huu usiku
. Waandishi wa habari waliofika eneo hilo walifanikiwa kumshuhudia mtoto huyo wa kike midomo yake miwili ya juu na chini ikiwa imeungana ikiwemo na pua huku matundu mawili sehemu ya mdomo wake.
Baadhi ya wananchi pamoja na Ofisa mtendaji wa kata hiyo, Thomas Ngomo wamesema mtoto huyo wa kike amezaliwa katika zahanati hiyo.
Aidha walisema hili ni tukio la kwanza kutokea kwa mwanamke kuzaa mtoto akiwa na matatizo ya aina hiyo katika kijiji chao tangu kianzishwe miaka 1965.
Mama wa mtoto huyo ameliambia gazeti hili kwamba ni kama mkosi kwake ikizingatiwa ni kijana wake wa kwanza mwenye ulemavu kati ya watoto wawili aliokuwa nao.
"Huyu ni mtoto wangu wa pili, lakini huyu wa kwanza sio kwa mume niliyenaye sasa, Mwenyezi Mungu ameamua kunijalia, hivyo siwezi kumfanyia ubaya wowote kama wafanyavyo baadhi ya wanawake wenzangu, ninamlea kama kawaida kwani yote yametokana na mapenzi yake mungu," alisema Hadija.
Alisema kwa sasa mtoto wake huyo anatumia kumnywesha maziwa yake kwa njia nyingine ikiwemo ya kuyakamua kisha kumuwekea kwenye chombo na kummiminia kupitia kwenye matundu mawili yaliyopo eneo ambalo mdomo umeungana.
Mume wa mwanamke huyo alisema baada ya kuzaliwa kwa kijana wake walimpeleka Hospitali ya Nyangao,iliyopo ndani ya Halmashauri hiyo,ili kutafuta ufumbuzi wake,lakini wataalamu wamemshauri kumpeleka Jijini Dar es Salaam katika Hospitali ya Kairuki kwa utaalamu zaidi.
"Hivi sasa nipo katika kujitafutia nauli niweze kumsafirisha kijana wake akapate tiba itakayomuwezesha kijana wangu aweze kunyonya vizuri kuliko ilivyo sasa," alisema Salum Saidi.

Comments

Post a Comment

Popular posts from this blog

WATOTO WA MITAANI NA JINSI YA KUWASAIDIA

-
Image
Ukatili dhidi ya watoto umeongeza idadi ya watoto wanaoishi kwenye mazingira hatarishi licha ya kuwepo juhudi za kupambana na tatizo hilo.        Watoto wanaoishi katika mazingira hayo, huathirika kisaikolojia kutokana na kujiingiza katika vitendo vya matumizi ya gundi na dawa za kulevya, huku sehemu ya jamii katika ngazi ya familia na kuficha tatizo badala ya kulipeleka kwenye vyombo vya dola. Wanafanya hivyo kwa maelezo kuwa wanaogopa aibu, matokeo yake kuna ongezeko la watoto wa mtaani, baadhi ambao bado wapo chini ya matunzo ya wazazi wao, lakini wanajiingiza katika tabia ya kuomba fedha na wanaonekana mitaani katika miji mbali mbali nchini. Ukatili unafanyika dhidi ya watoto kuanzia ngazi ya familia na ndugu wa karibu kwa kumbaka au kumlawiti mtoto anyeishi nao. Sheria ya mtoto namba 21 ya mwaka 2009, inalenga kurekebisha na kuimarisha sheria zote zihusuzo watoto, kuainisha haki, kukuza na kulinda maslahi bora ya watoto kwa mujibu wa sheria. Kuna uwezekano wa kul
Read more

TUWAKUMBUKE WATOTO WENYE MTINDIO WA UBONGO KAMA KUNDI MAALUM KATIKA JAMII ZETU

-
Image
  Stephanie Koster Mama Mlezi wa Kituo cha Mt. Nicholaus Children Center Akisoma Historia ya Kituo Kwa Wageni Waliotembelea Kituo hapo tarehe 05/02/2013 Mwanadamu mkamilifu apoamka asubuhi na kuanza siku yake kwa kutekeleza majukumu yake ya kawaida ya kila siku ya kujiingizia kipato halali cha kujikimu na kuyafanya maisha yasonge mbele huwa siyo rahisi kukumbuka kuwa kuna binadamu ambao wanahitaji msaada na uangalizi wa karibu sana. Mashirika, Taasisi mbalimbali za serikali na binafsi aidha watu mmoja mmoja katika kuangalia makundi maalum ya kusaidia mara nyingi huwakumbuka watoto yatima na waishio katika mazingira magumu, wazee na walemavu wa viungo. Lakini kuna kundi maalum ambalo jamii hulisahau bila kulipa kipaumbele.. Walemavu wenye utindio wa ubongo katika jamii zetu za kitanzania husaulika sana na kuachwa bila msaada wowote wa karibu, mfano kupatiwa huduma ya karibu kama huduma za kiafya, elimu aidha kuwa na mahusiano ya kawaida katika j
Read more

AYA ZA BIBLIA KUHUSU WATU WENYE ULEMAVU

-
Image
    YOHANA 9:2-7 Wanafunzi wake wakamwuliza Wakisema Radi, ni yupi aliyetenda dhambi, mtu huyu au wazazi wake, hata zaliwe kipofu? Yesu akajibu, Huyu hakutenda dhambi wala wazazi wake; bali kazi za Mungu zidhihirishwe ndani yake. Imetupasa kuzifanya kazi zake yeye aliyenipeleka maadamu ni mchana na usiku waja asipoweza mtu kufanya kazi. Muda nilipo ulimwenguni mimi ni nuru ya ulimwengu. Alipokwisha kusema hayo alitema mate chini, akaifanya tope kwa yale mate. Akampaka kipofu tope za macho, akamwambia Nenda kanawe katika birika ya Siloamu, basi akaenda na kunawa; akarudi anaona. Basi jirani zake na wale waliomwona zamani kuwa ni mwombaji wakasema, Je! Huyu si Yule aliyekuwa akiketi na kuomba? Wengine wakasema, ndiye wengine wakasema La, lakini amefanana naye. Yeye mwenyewe alisema, Mimi ndiye.    Mwandishi wa kitabu hiki amenikumbusha mbali, hasa kutokana na mitazamo hasi katika jamii dhidi ya walemavu kwa ujumla, ila pia nimepata amani hasa nilipotazama kumbe mita
Read more