WALEZI WATAKIWA KUTOWAKATISHA TAMAA WATOTO WENYE ULEMAVU

-



 
Na Raya Hamad,
Wazazi na walezi wenye watoto walemavu hasa viziwi wametakiwa  kutowakatisha tamaa watoto wao kwa kuwaacha majumbani na badala yake kuwapeleka katika vituo maalum vinavyotowa elimu ili waweze kujifunza pamoja na kujielewa .
Wito huo umetolewa na Waziri wanchi Ofisi ya Makamu wa Kwanza Wa Rais Mhe Fatma Abdul habib Ferej pamoja na Waziri wa Ustawi wa Jamii Maendeleo ya Wanawake na Watoto Mhe Zainab…..wakati walipotembelea kituo cha Maendeleo ya vijana na watoto Viziwi Upendo viziwi  kilichopo Mwanakwerekwe na kuona maendeleo ya watoto hao pamoja na changamoto wanazokabiliana nazo.
Mhe Fatma amesema ni jukumu la  wazazi  kuhakikisha watoto wenye ulemavu wanapata mahitaji yao ya msingi hasa katika suala la malezi kama walivyo watoto wengine jambo ambalo litamfanya mtoto akuwe vizuri.” Mtoto yeyote akilelewa na kutunzwa vyema basi hata ukuwaji wake unakuwa mzuri majirani na watu wengine watampenda kwa vile wazazi wameonesha upendo “ alisisitiza Waziri Fatma .

Waziri Fatma alisema  Serikali ya Mapinduzi Zanzibar kupitia Ofisi ya Makamu wa Kwanza wa Rais inafanya kila jitihada kuona watoto wenye ulemavu wanapata haki na fursa sawa na kupanga mikakati mizuri ya uendeshaji na usimamizi wa masuala ya Watu Wenye Walemavu kupitia Idara ya Watu Wenye Ulemavu
Aidha Mhe Fatma amewaomba wale wote walioahidi kuchangia  mfuko wa watu wenye ulemavu siku ya uzinduzi na ambao hawajatimiza ahadi hio wajitahidi kutimiza ahadi hio kama walivyahidi mbele ya Ras wa Zanzibar ili walengwa waweze kufaidika na mfuko huo kwa vile ni watu maalum wenye mahitaji maalum .
 Mhe Zainab ametowa wito kwa wazazi na walezi kutokwepa majukumu yao ya ulezi na kusubuiri kila kitu kutoka Serikalini ama misaada kutoka kwa wahisani bali wajitahidi kutimiza wajibu wao kwa kuzingatia na hali za maisha “Mimi naamini kuna mambo mengine yamo ndani ya uwezo wetu basi tujitahidini ili tusibebe dhima kwa Mwenyezi Mungu”
 Nae Katibu wa Kituo cha Upendo bibi Mwanajuma Zahoro ameuleza ujumbe huo matatizo waliyonayo kuwa ni pamoja na Jengo la kudumu,usafiri, uwezo wa kutafuta nyenzo ,uhaba wa vitendea kazi , awali walikuwa wakilipa fedha ndogo lakini bahati mbaya aliyewakodisha nyumba amefariki na hivyo kodi imepanda warithi wanataka kulipwa shilingi Milioni moja na laki moja na arobaini elfu kwa mwaka .
Aidha Mwenyekiti wa Upendo Bi Saada Hamad ameushukuru ujumbe huo na kuwaomba viongozi hao kuwapatia walimu watakaofundisha watoto wao stadi za maisha  zikiwemo Athari za matumizi ya Dawa za Kulevya , Mimba za utotoni, kujikinga na Maambukizi ya Virusi vya Ukimwi, Mazingira na Haki za Watu Wenye Ulemavu .
 Waziri Fatma alikabidhi fedha taslim shilingi laki tatu ambapo Mhe Zainab alikabidhi shilingi laki moja kwa niaba ya Mama Park Raia wa Korea ambae pia alitowa zawadi mbali mbali zilizochangwa na watoto wa Jamhuri ya Watu wa Korea .
Mama Park amehidi kuendelea kusaidia tena  hali inaporuhusu kwani misaada anayoitowa ni   michango wa watoto wa Jamhuri ya Watu wa Korea maalum kwa watoto wenzao hasa wenye mazingira magumu na mahitaji maalum ikiwemo chakula , vifaa vya kuandikia, mikoba, viatu , toys nk. 
Upendo Viziwi hivi sasa inawanafunzi zaidi ya 40 imeanzishwa 2005 wakiwa na watoto watatu wanawake na wanafundisha lugha ya alama kwa vijana na watoto viziwi walio chini ya umri wa miaka 20  pia wanasomesha masomo ya dini , kutengeneza madometi, kufuma, kudarizi pamoja na kufinyanga .
Lengo la kuanzisha kituo hicho ni kuwafundisha watoto viziwi  lugha ya alama ili wanapoanza elimu ya msingi wawe tayari wanaelewa lugha hio na kuweza  kuwasiliana vizuri wakiwa darasani. 

Comments

Post a Comment

Popular posts from this blog

WATOTO WA MITAANI NA JINSI YA KUWASAIDIA

-
Image
Ukatili dhidi ya watoto umeongeza idadi ya watoto wanaoishi kwenye mazingira hatarishi licha ya kuwepo juhudi za kupambana na tatizo hilo.        Watoto wanaoishi katika mazingira hayo, huathirika kisaikolojia kutokana na kujiingiza katika vitendo vya matumizi ya gundi na dawa za kulevya, huku sehemu ya jamii katika ngazi ya familia na kuficha tatizo badala ya kulipeleka kwenye vyombo vya dola. Wanafanya hivyo kwa maelezo kuwa wanaogopa aibu, matokeo yake kuna ongezeko la watoto wa mtaani, baadhi ambao bado wapo chini ya matunzo ya wazazi wao, lakini wanajiingiza katika tabia ya kuomba fedha na wanaonekana mitaani katika miji mbali mbali nchini. Ukatili unafanyika dhidi ya watoto kuanzia ngazi ya familia na ndugu wa karibu kwa kumbaka au kumlawiti mtoto anyeishi nao. Sheria ya mtoto namba 21 ya mwaka 2009, inalenga kurekebisha na kuimarisha sheria zote zihusuzo watoto, kuainisha haki, kukuza na kulinda maslahi bora ya watoto kwa mujibu wa sheria. Kuna uwezekano wa kul
Read more

TUWAKUMBUKE WATOTO WENYE MTINDIO WA UBONGO KAMA KUNDI MAALUM KATIKA JAMII ZETU

-
Image
  Stephanie Koster Mama Mlezi wa Kituo cha Mt. Nicholaus Children Center Akisoma Historia ya Kituo Kwa Wageni Waliotembelea Kituo hapo tarehe 05/02/2013 Mwanadamu mkamilifu apoamka asubuhi na kuanza siku yake kwa kutekeleza majukumu yake ya kawaida ya kila siku ya kujiingizia kipato halali cha kujikimu na kuyafanya maisha yasonge mbele huwa siyo rahisi kukumbuka kuwa kuna binadamu ambao wanahitaji msaada na uangalizi wa karibu sana. Mashirika, Taasisi mbalimbali za serikali na binafsi aidha watu mmoja mmoja katika kuangalia makundi maalum ya kusaidia mara nyingi huwakumbuka watoto yatima na waishio katika mazingira magumu, wazee na walemavu wa viungo. Lakini kuna kundi maalum ambalo jamii hulisahau bila kulipa kipaumbele.. Walemavu wenye utindio wa ubongo katika jamii zetu za kitanzania husaulika sana na kuachwa bila msaada wowote wa karibu, mfano kupatiwa huduma ya karibu kama huduma za kiafya, elimu aidha kuwa na mahusiano ya kawaida katika j
Read more

AYA ZA BIBLIA KUHUSU WATU WENYE ULEMAVU

-
Image
    YOHANA 9:2-7 Wanafunzi wake wakamwuliza Wakisema Radi, ni yupi aliyetenda dhambi, mtu huyu au wazazi wake, hata zaliwe kipofu? Yesu akajibu, Huyu hakutenda dhambi wala wazazi wake; bali kazi za Mungu zidhihirishwe ndani yake. Imetupasa kuzifanya kazi zake yeye aliyenipeleka maadamu ni mchana na usiku waja asipoweza mtu kufanya kazi. Muda nilipo ulimwenguni mimi ni nuru ya ulimwengu. Alipokwisha kusema hayo alitema mate chini, akaifanya tope kwa yale mate. Akampaka kipofu tope za macho, akamwambia Nenda kanawe katika birika ya Siloamu, basi akaenda na kunawa; akarudi anaona. Basi jirani zake na wale waliomwona zamani kuwa ni mwombaji wakasema, Je! Huyu si Yule aliyekuwa akiketi na kuomba? Wengine wakasema, ndiye wengine wakasema La, lakini amefanana naye. Yeye mwenyewe alisema, Mimi ndiye.    Mwandishi wa kitabu hiki amenikumbusha mbali, hasa kutokana na mitazamo hasi katika jamii dhidi ya walemavu kwa ujumla, ila pia nimepata amani hasa nilipotazama kumbe mita
Read more