HAKUNA SABABU YA KUWAFICHA WATOTO WENYE ULEMAVU, WANA HAKI SAWA KAMA WATOTO WASIO NA ULEMAVU.

-

WAZAZI BADO WAENDELEA NA DHANA YA KUWAFICHA WATOTO WALEMAVU MAJUMBANI MKOANI MBEYA

Na Ester Macha, Mbeya.
 LICHA ya serikali kutoa elimu kwa jamii,wazazi na walezi kuacha kuwaficha majumbani watoto wenye ulemavu na badala yake wawapeleke shule hali imekuwa tofauti mkoani Mbeya ambapo baadhi ya wazazi bado wanawaficha watoto wao majumbani na wanapofuatiliwa wanasema hawana watoto wa aina hiyo.
 Aidha ikiwa wanawake na wanaharakati nchini wakiwa katika siku 16 za kupinga ukatili wa kijinsia  kwa wanawake,watoto na walemavu  hali bado tete ya ukatili,unyanyapaa  na kukosa haki za msingi kwa makundi maalum hivyo  kunahitajika nguvu ya ziada  kukabiliana na hali hiyo.
 Hayo yamesemwa na mkuu wa kitengo cha watoto wenye matatizo ya mtindio wa ubongo,Mwalimu Bi.Suzana Kidily katika mahafali ya kwanza ya wanafunzi wa kitengo maalum katika shule ya msingi Mwenge,jijini Mbeya ambapo wanafunzi tisa wakiwemo wa kike wanne na wakiume watano walihitimu.
Bi.Kidily alisema kuwa kunahitajika kazi ya ziada ya kuendelea kuielimisha jamii kuhusu haki za mtoto mwenye ulemavu ili wazazi na walezi waondokane na dhana potofu ya kwamba hawastahili kupata huduma muhimu za kijamii sanjari na kusoma,kutibiwa,kucheza na kuongea na wenzao.
Alitoa mara kadhaa baada ya kupokea taarifa za uwepo wa watoto wenye ulemavu katika baadhi ya nyumba wamekuwa wakifanya ufuatiliaji na kuwasiliana na wakuu wa familia husika lakini katika hatua ya kushangaza wanakataa kuishi na watoto wa aina hiyo na inafikia hatua ya kujibu kwa jazba wanapoona wanaendelea kuwabana kwa maswali ambayo yanayonesha dhahiri kufichua ukweli.
Hata hivyo ametoa wito kwa viongozi wa serikali za mitaa,vitongoji,Kijiji na Kata kushirikiana na walimu wa vitengo maalum katika kutoa taarifa zitakazosaidia kuwafichua na kuwasaidia watoto wenye ulemavu wanaonyimwa haki zao za msingi kwa sababu ya wazazi ama walezi kuona aibu ama kutofahamu kwamba watoto wenye ulemavu ni binadamu kama wa livyo watoto wengine.
Kwa upande wake Mwalimu Maalum kutoka shule ya Msingi Nsalaga,Bi.Nely Elisha alisema  kuwa jamii bado ina mtazamo hasi wa walimu maalum wanaowafundisha watoto wenye ulemavu wa akili kutokana na kuwaona kama walimu nao ni walemavu kama wanafunzi wanaowafundisha na hivyo si chochote,wamechanganyikiwa,hawafai na hata mawazo yao kutothaminika katika jamii wanazoishi.

Comments

  1. AnonymousJuly 4, 2013 at 4:25 AM

    HILO NI TATIZO HASA KWA JAMII AMBAZO WANA MTAZAMO HASI JUU YA ULEMAVU.

    ReplyDelete

Post a Comment

Popular posts from this blog

WATOTO WA MITAANI NA JINSI YA KUWASAIDIA

-
Image
Ukatili dhidi ya watoto umeongeza idadi ya watoto wanaoishi kwenye mazingira hatarishi licha ya kuwepo juhudi za kupambana na tatizo hilo.        Watoto wanaoishi katika mazingira hayo, huathirika kisaikolojia kutokana na kujiingiza katika vitendo vya matumizi ya gundi na dawa za kulevya, huku sehemu ya jamii katika ngazi ya familia na kuficha tatizo badala ya kulipeleka kwenye vyombo vya dola. Wanafanya hivyo kwa maelezo kuwa wanaogopa aibu, matokeo yake kuna ongezeko la watoto wa mtaani, baadhi ambao bado wapo chini ya matunzo ya wazazi wao, lakini wanajiingiza katika tabia ya kuomba fedha na wanaonekana mitaani katika miji mbali mbali nchini. Ukatili unafanyika dhidi ya watoto kuanzia ngazi ya familia na ndugu wa karibu kwa kumbaka au kumlawiti mtoto anyeishi nao. Sheria ya mtoto namba 21 ya mwaka 2009, inalenga kurekebisha na kuimarisha sheria zote zihusuzo watoto, kuainisha haki, kukuza na kulinda maslahi bora ya watoto kwa mujibu wa sheria. Kuna uwezekano wa kul
Read more

TUWAKUMBUKE WATOTO WENYE MTINDIO WA UBONGO KAMA KUNDI MAALUM KATIKA JAMII ZETU

-
Image
  Stephanie Koster Mama Mlezi wa Kituo cha Mt. Nicholaus Children Center Akisoma Historia ya Kituo Kwa Wageni Waliotembelea Kituo hapo tarehe 05/02/2013 Mwanadamu mkamilifu apoamka asubuhi na kuanza siku yake kwa kutekeleza majukumu yake ya kawaida ya kila siku ya kujiingizia kipato halali cha kujikimu na kuyafanya maisha yasonge mbele huwa siyo rahisi kukumbuka kuwa kuna binadamu ambao wanahitaji msaada na uangalizi wa karibu sana. Mashirika, Taasisi mbalimbali za serikali na binafsi aidha watu mmoja mmoja katika kuangalia makundi maalum ya kusaidia mara nyingi huwakumbuka watoto yatima na waishio katika mazingira magumu, wazee na walemavu wa viungo. Lakini kuna kundi maalum ambalo jamii hulisahau bila kulipa kipaumbele.. Walemavu wenye utindio wa ubongo katika jamii zetu za kitanzania husaulika sana na kuachwa bila msaada wowote wa karibu, mfano kupatiwa huduma ya karibu kama huduma za kiafya, elimu aidha kuwa na mahusiano ya kawaida katika j
Read more

AYA ZA BIBLIA KUHUSU WATU WENYE ULEMAVU

-
Image
    YOHANA 9:2-7 Wanafunzi wake wakamwuliza Wakisema Radi, ni yupi aliyetenda dhambi, mtu huyu au wazazi wake, hata zaliwe kipofu? Yesu akajibu, Huyu hakutenda dhambi wala wazazi wake; bali kazi za Mungu zidhihirishwe ndani yake. Imetupasa kuzifanya kazi zake yeye aliyenipeleka maadamu ni mchana na usiku waja asipoweza mtu kufanya kazi. Muda nilipo ulimwenguni mimi ni nuru ya ulimwengu. Alipokwisha kusema hayo alitema mate chini, akaifanya tope kwa yale mate. Akampaka kipofu tope za macho, akamwambia Nenda kanawe katika birika ya Siloamu, basi akaenda na kunawa; akarudi anaona. Basi jirani zake na wale waliomwona zamani kuwa ni mwombaji wakasema, Je! Huyu si Yule aliyekuwa akiketi na kuomba? Wengine wakasema, ndiye wengine wakasema La, lakini amefanana naye. Yeye mwenyewe alisema, Mimi ndiye.    Mwandishi wa kitabu hiki amenikumbusha mbali, hasa kutokana na mitazamo hasi katika jamii dhidi ya walemavu kwa ujumla, ila pia nimepata amani hasa nilipotazama kumbe mita
Read more