HEAR MY VOICE

Maisha ya hapa dunia ni ya kupita tu, mali na vyote vionekanavyo ni mapito pia . Ila upendo na kuthaminiana bila kujali tofauti zetu ni hazina kubwa sana hapa duniani.  Jamii inasikitisha sana yawezekana ni kwa kujua au kutokujua, lakini kweli inasikitisha sana, JANA nimeonekana mtu wa ajabu baada ya kukaa na watoto wa mitaani maeneo ya Bunda stand mpya, Mzee mmoja msomi na mwenye heshima kubwa hapa wilayani alinifuata na kuniambia kwanini nimekaa na watoto wahuni wa mitaani, akaenda mbali zaidi na kusema hawa ndio majambazi wa wilaya hii. Akatokea Dereva mmoja ambaye yeye hata hakutaka kujua nilikuwa naongea nini na wale watoto yeye akawafukuza kwenye viti, mbaya zaidi akawapiga na kuwatupia matusi mazito. Baada ya hapo huyo dereva akaniambia nilikuwa nakuheshimu sana ila leo nimekuchukulia tofauti kabisa, akasema "nilidhani umeenda shule umeelimika kumbe shule haijakusaidia" utakaaje na watoto wachafu namna hii, hawa ni vibaka wa stand wewe unakaa nao. Kweli ilini

Adha, shida na mateso wanayoyapata watoto katika maeneo ya machimbo ya dhahabu Chunya. Mkazi wa kijiji cha Chang'ombe, Kata ya Mkwajuni jimbo la Songwe Mbuke Kulwa akitafuta dhahabu katika mto mara baada ya kufukuzwa na mumewe ambaye alidai kuwa anaishi na mke mwingine, huu ni sehemu ya ukatili wa Kijinsia ambao Chama Cha Waandishi wa Habari Wanawake TAMWA kimekuwa kikipinga na kukemea katika harakati zake za kupinga ukatili wa Kijinsia. Kijana huyu Mwanafunzi wa shule ya Msingi Mkwajuni aliyejitambulisha kwa jina la  Asajile mkazi wa kitongoji cha Kamficheni Jimbo la Songwe Mkwajuni wilayani Chunya akitafuta dhahabu ili aweze kujikimu kutokana na mahitaji muhimu ya kila siku, Asajile ni miongoni mwa vijana wengi wa shule za Msingi ambao wamekuwa wakiacha masomo kwa na kwenda katika machimbo ya dhahabu wilayani Chunya. Watoto hawa wakazi wa kitongoji cha Kigamboni kilichopo Jimbo la Songwe wilayani Chunya wakitafuta maji kwa ajili ya matumizi ya kila s

Mungu ni mwaminifu sana. Hawa watoto ni walemavu wa akili wapo shule ya msingi Milongo ya jijini Mwanza, pamoja na ulemavu wao ila wana vipaji vya ajabu sana. Katika maisha yangu wameweza kuniondolea ule mtazamo kuwa walemavu hawawezi jambo lolote katika maisha Yao, huyo binti ana kipaji cha uimbaji, na hao vijana wana vipaji mbalimbali kama vile kucheza mpira yote hiyo ni katika kuutambua ukuu wa Mungu. Sio hao tuu kuna mifano mbalimbali ya Watu wenye ulemavu na wana vipaji mbalimbali mfano Voice wonder mwimbaji kipofu wa Marekani, Lena Maria. Dada mlemavu wa viungo wa Sweden mwimbaji mzuri sana na wengine wengi, hiyo ni mifano michache katika kuthibitisha kuwa ulemavu si kutokuweza.

UNICEF kupambana na ukatili dhidi ya watoto walemavu.. Shirika la Watoto la Umoja wa Mataifa, UNICEF, limeripoti watoto wenye ulemavu ulimwenguni ni waathiriwa wakubwa wa mateso, ubakaji na wengi wao hawasajiliwi baada ya kuzaliwa ikilinganishwa na wasiokuwa na ulemavu.                        Mdau wa shirika la umoja wa mataifa kuhusu watoto UNICEF Kwa mujibu wa ripoti ya UNICEF iliyotolewa jana katika mkutano wake mjini Da Nang, Vietnam, watoto wenye ulemavu wanabaguliwa na kutengwa katika jamii kwa sababu wazazi hawatoi uangalizi wa kutosha kwa watoto hao, likiwemo la kutowaandikisha wanapozaliwa. Mkugenzi Mkuu wa UNICEF, Anthony Lake, amesema ukosefu wa takwimu za watoto walemavu katika nchi nyingi duniani, umewafanya watoto hao kutokujuilikana na kutambuliwa. UNICEF inakadiria kuwa kila penye watoto 20 wenye umri wa miaka 14, mmoja wao ni mlemavu wa moja kwa moja au anaishi na aina fulani ya ulemavu. Lake amesema hali inayowakabili watoto wenye ulemavu dunian

 Rajabu Josephat  mwanafunzi mwenye ulemavu wa viungokatika shule ya  Msingi Nyankanga na Pius Ligamba wa shule ya Secondary Kemoramba. Mazingira yasiyo rafiki mashuleni yamesemwa kuwa chanzo cha watoto wenye ulemavu kutoandikishwa shule na waliokwisha andikishwa kuacha shule kutokana majengo ya shule ambayo yamejengwa bila kuzingatia mahitaji ya wanafunzi wenye ulemavu wa viungo. Utafiti mdogo wa kihabari uliofanywa na jopo la waandishi wilayani Musoma vijijini, ulionesha kuwa baadhi ya wazazi wamekuwa wakiwaficha watoto wenye ulemavu majumbani na kutoamua kuwapeleka shule kutokana na kukwepa watoto wao wasipate tabu au hata kupata magonjwa ya kuambukiza wakiwa shule. Pius Ligamba Mwanafunzi wa shule ya msingi Kemoramba wilayani Musoma Shule ya sekondari Kemoramba, Shule ya msingi Nyankanga na Shule ya msingi  Mmahare ni baadhi ya shule zilizotembelewa na kuonekana hazina miundombinu ya majengo rafiki ili kuwezesha wanafunzi wenye ulemavu kusoma bila matatizo ma