HII NI KWA JAMII NZIMA.

-



Maisha ya hapa dunia ni ya kupita tu, mali na vyote vionekanavyo ni mapito pia. Ila upendo na kuthaminiana bila kujali tofauti zetu ni hazina kubwa sana hapa duniani. 


Jamii inasikitisha sana yawezekana ni kwa kujua au kutokujua, lakini kweli inasikitisha sana, JANA nimeonekana mtu wa ajabu baada ya kukaa na watoto wa mitaani maeneo ya Bunda stand mpya, Mzee mmoja msomi na mwenye heshima kubwa hapa wilayani alinifuata na kuniambia kwanini nimekaa na watoto wahuni wa mitaani, akaenda mbali zaidi na kusema hawa ndio majambazi wa wilaya hii. Akatokea Dereva mmoja ambaye yeye hata hakutaka kujua nilikuwa naongea nini na wale watoto yeye akawafukuza kwenye viti, mbaya zaidi akawapiga na kuwatupia matusi mazito. Baada ya hapo huyo dereva akaniambia nilikuwa nakuheshimu sana ila leo nimekuchukulia tofauti kabisa, akasema "nilidhani umeenda shule umeelimika kumbe shule haijakusaidia" utakaaje na watoto wachafu namna hii, hawa ni vibaka wa stand wewe unakaa nao.

 Kweli iliniumiza sana.. Mpaka sana bado siamini kama kweli wale watu walikuwa wanajua walitendalo na kama walijua walitendalo jamii inaelekea wapi? Kwanza wale watoto umri wao ni kati ya miaka mitano na saba, walikuwa watoto wawili ambao kwa maelezo yao ni ndugu ambao hawawajui wazazi wao tangu wamezaliwa. Nilijiuliza maswali mengi sana ila nikaona ni vema jamii tukakumbushana haya, 
Kwanza wale ni watoto kama watoto wengine, pili wao hawakupenda kuishi katika hayo mazingira na tatu wao sio sehemu ya tatizo, wamejikuta wapo katika mazingira hayo. 

Ni kweli watoto wa mitaani wana tabia ambazo sio nzuri ila ni wewe na mimi tunaweza tukawakosoa na kuwaelekeza njia sahihi za maisha hata kama hatuna pesa wala msaada wowote kwao ila sio kwa kuwaona ni watu wasiofaa kabisa katika jamii, mpaka tunadiriki kuwapiga na kuwabebesha matusi mazito. 

Tabia hii ya udokozi na udanganyifu kwa watoto wa mitaani inatokana na mazingira magumu wanayoishi, lakini kama taasisi mbalimbali na mashirika binafsi yakijitokeza kusaidia hili kundi, na pia nguvu ya serikali ikaimarishwa katika kuwasaidia hawa watoto naamini hizo tabia zitafutika zenyewe. Na hilo suala la kuwasaidia ili lizae matunda ni lazima lifanyike kipindi chote sio wakati wa sikukuu pekee, hapo ndio utasikia makumpuni yametoa msaada kwa watoto yatima, watoto wa mitaani au watoto wenye ulemavu.

Tubadilike kwa kulielewa jambo hili, kuwahurumia watoto wa mitaani haitawasaidia ila ili tuwasaidie kwa moyo wote ni vema tukavaa uhalisia wa matatizo yao, tujihisi maumivu kwa shida na taabu wanazopata katika maisha yao, kwa kuguswa na mateso yao hapo tutaoweza kuwasaidia iwe kwa mawazo au hata kuwa nao karibu kwa kuwapenda na kuwachukulia kuwa na wao ni sehemu ya jamii.



Comments

Post a Comment

Popular posts from this blog

WATOTO WA MITAANI NA JINSI YA KUWASAIDIA

-
Image
Ukatili dhidi ya watoto umeongeza idadi ya watoto wanaoishi kwenye mazingira hatarishi licha ya kuwepo juhudi za kupambana na tatizo hilo.        Watoto wanaoishi katika mazingira hayo, huathirika kisaikolojia kutokana na kujiingiza katika vitendo vya matumizi ya gundi na dawa za kulevya, huku sehemu ya jamii katika ngazi ya familia na kuficha tatizo badala ya kulipeleka kwenye vyombo vya dola. Wanafanya hivyo kwa maelezo kuwa wanaogopa aibu, matokeo yake kuna ongezeko la watoto wa mtaani, baadhi ambao bado wapo chini ya matunzo ya wazazi wao, lakini wanajiingiza katika tabia ya kuomba fedha na wanaonekana mitaani katika miji mbali mbali nchini. Ukatili unafanyika dhidi ya watoto kuanzia ngazi ya familia na ndugu wa karibu kwa kumbaka au kumlawiti mtoto anyeishi nao. Sheria ya mtoto namba 21 ya mwaka 2009, inalenga kurekebisha na kuimarisha sheria zote zihusuzo watoto, kuainisha haki, kukuza na kulinda maslahi bora ya watoto kwa mujibu wa sheria. Kuna uwezekano wa kul
Read more

TUWAKUMBUKE WATOTO WENYE MTINDIO WA UBONGO KAMA KUNDI MAALUM KATIKA JAMII ZETU

-
Image
  Stephanie Koster Mama Mlezi wa Kituo cha Mt. Nicholaus Children Center Akisoma Historia ya Kituo Kwa Wageni Waliotembelea Kituo hapo tarehe 05/02/2013 Mwanadamu mkamilifu apoamka asubuhi na kuanza siku yake kwa kutekeleza majukumu yake ya kawaida ya kila siku ya kujiingizia kipato halali cha kujikimu na kuyafanya maisha yasonge mbele huwa siyo rahisi kukumbuka kuwa kuna binadamu ambao wanahitaji msaada na uangalizi wa karibu sana. Mashirika, Taasisi mbalimbali za serikali na binafsi aidha watu mmoja mmoja katika kuangalia makundi maalum ya kusaidia mara nyingi huwakumbuka watoto yatima na waishio katika mazingira magumu, wazee na walemavu wa viungo. Lakini kuna kundi maalum ambalo jamii hulisahau bila kulipa kipaumbele.. Walemavu wenye utindio wa ubongo katika jamii zetu za kitanzania husaulika sana na kuachwa bila msaada wowote wa karibu, mfano kupatiwa huduma ya karibu kama huduma za kiafya, elimu aidha kuwa na mahusiano ya kawaida katika j
Read more

AYA ZA BIBLIA KUHUSU WATU WENYE ULEMAVU

-
Image
    YOHANA 9:2-7 Wanafunzi wake wakamwuliza Wakisema Radi, ni yupi aliyetenda dhambi, mtu huyu au wazazi wake, hata zaliwe kipofu? Yesu akajibu, Huyu hakutenda dhambi wala wazazi wake; bali kazi za Mungu zidhihirishwe ndani yake. Imetupasa kuzifanya kazi zake yeye aliyenipeleka maadamu ni mchana na usiku waja asipoweza mtu kufanya kazi. Muda nilipo ulimwenguni mimi ni nuru ya ulimwengu. Alipokwisha kusema hayo alitema mate chini, akaifanya tope kwa yale mate. Akampaka kipofu tope za macho, akamwambia Nenda kanawe katika birika ya Siloamu, basi akaenda na kunawa; akarudi anaona. Basi jirani zake na wale waliomwona zamani kuwa ni mwombaji wakasema, Je! Huyu si Yule aliyekuwa akiketi na kuomba? Wengine wakasema, ndiye wengine wakasema La, lakini amefanana naye. Yeye mwenyewe alisema, Mimi ndiye.    Mwandishi wa kitabu hiki amenikumbusha mbali, hasa kutokana na mitazamo hasi katika jamii dhidi ya walemavu kwa ujumla, ila pia nimepata amani hasa nilipotazama kumbe mita
Read more