HEAR MY VOICE

Na Francis ole Rikanga. TAFSIRI ya neno ulemavu hutofautiana kutoka kwa mtaalam moja hadi mwingine, kutokana na mazingira ambamo tafsiri hiyo hutumika. Baadhi ya wataalam hutafsiri kuwa ulemavu ni ukosefu wa viungo muhimu katika mwili wa binadamu na wengine husema ulemavu ni ukosevu wa fikra. Pamoja na watalaam na watu mbalimbali katika jamii kutofautiana, Bw.Fredy Msigallah ambaye ni Afisa mtetezi wa Haki za watu wenye Ulemavu kutoka CCBRT anasema ulemavu ni kukosekana au kuwepo kwa ukomo fursa ya kushiriki katika maisha ya kijamii kwa kiwango sawa na watu wengine kwa sababu za kimaumbile, kiakili na kijamii. Kwakwe ulemavu si ukosefu wa viungo bali ni ukosefu wa fursa ya kushiriki katika maisha ya jamii kunakosababishwa na vikwazo vya mazingira, kimtizamo na mfumo uliopo ndani ya jamii. Ni ukweli usiopingika kuwa licha ya kuwepo kwa vikwazo bado kuna watu wenye ulemavu waliodhihirisha kuwa ulemavu sio viungo. Ipo mifano hai ya watu wenye ulemavu iwe ya viungo, kuona...

MUONE MTU NA SI ULEMAVU WAKE, Ni maneno machache sana ila yana maana kubwa sana miongoni mwetu, siku zote tunauona ulemavu na kujiuliza huyu mlemavu anaweza kufanya jambo gani? Binadamu wote ni sawa ulemavu ni tofauti za kimaumbile tu ila vipawa na karama Mungu alizomgawia kila mmoja zinabaki kuwa ndani ya mtu na si ndani ya ulemavu mtu alionao.  Katika kuthibitisha kauli yangu kuna mifano mingi sana ya watu wenye ulemavu waliofanya mambo makubwa tu kuliko watu wasio walemavu, mfano watu Kama Voice wonder, Lena Maria, hawa na wengine wengi wameushangaza ulimwengu kwa sauti zao nzuri Mungu alizowajalia achilia mbali ulemavu walionao. Ni vizuri tukamtazama mtu na si ulemavu alionao. Hiyo itatusaidia sana kuwathamini na kuwajali sana watu wenye ulemavu na hiyo itapelekea kuwapa fursa sawa na watu wasio na ulemavu.

Mh. Kamani ajenga kituo cha kutunza walemavu wa ngozi NA PETER KATULANDA, BUSEGA. VITENDO vya mauaji ya kikatili kwa watu wenye ulemavu wa ngozi (Albino) wilayani Busega, vimemsukuma Mbunge wa jimbo la Busega mkoani Simiyu, Dk Titus Kamani, kuanzisha ujenzi wa kituo cha kulelea watoto wenye ulemavu huo. Kituo hicho kinachojengwa Kijiji cha Lukungu, Kata ya Lamadi, kitakachokuwa na uwezo wa kuchukua watoto zaidi ya 100, kitagharimu zaidi ya sh Bilioni 1.5. Kutokana na jitihada za Mbunge huyo kuokoa maisha ya walemavu hao, Waziri Mkuu Mizengo Pinda, amemuunga mkono kwa kuchangia kiasi cha sh milioni 5 kwa ajili ya kuongeza nguvu ya ujenzi ambao tayari umeanza na unatarajiwa kukamilika Agosti mwaka kesho. Akizungumza katika eneo la ujenzi huo ambao umefikia hatua ya msingi jana, Dk Kamani alisema “Katika vitu ambavyo navifikiria sana na ningependa niondoke madarakani nikiwa nimevikamilisha, ni pamoja na kituo hiki cha walemavu.”   “Hapa sisikilizi la mtu lazima kit...