AJIRA KWA WATOTO NI ZAO LA UBEPARI.

-

Tarehe 12 Juni ya  kila mwaka ni Siku ya Kimataifa ya Kupinga Ajira kwa Watoto. Katika maadhimisho haya hufanyika makongamano na hafla mbalimbali kujaribu kupiga kampeni dhidi ya ajira za watoto. Tanzania ni miongoni mwa nchi 174 zilizoridhia azimio namba 182 la kukomesha utumikishaji watoto chini ya umri wa miaka 18.
 Hakuna anayepinga  juu ya kuwepo ajira za watoto kila mahala. Kwa mfano, kwa mujibu wa uchunguzi wa gazeti la  Mwananchi kupitia mradi wa kupambana na ajira ngumu kwa watoto Zanzibar,  zaidi ya watoto 15,000  ndani ya Zanzibar wanajishughulisha na ajira tena zile ngumu.

Aidha, kuna vilio kama hivyo vya ajira za watoto pia Tanzania  Bara hususan  katika maeneo ya machimbo ya migodini yakiwemo Mererani mkoani Manyara, maarufu kwa uchimbaji wa madini aina tanzanite.
 Suala msingi hapa ni kiini cha jambo hili. Ukija hapa kwenye chanzo ndio utaona dhihirisho la kuchanganyikiwa wanademokrasia na mfumo wao wa kibepari. Kwanza kabisa, mfumo huu umeshindwa kutambua ni nani hasa mtoto. Kwa mfano, kifungu cha 4 cha Sheria ya Ajira na Mahusiano ya Kazi ya mwaka, 2004 kinamuelezea mtoto kama mtu mwenye umri chini ya miaka 14. Lakini kwa sheria hiyo hiyo kwa ajira zilizo katika sekta hatarishi,  mtoto maana yake ni mtu mwenye umri wa chini ya miaka 18. Kwa hivyo, upande mmoja ni miaka 14 na upande wa pili ni chini ya miaka 18.

Aidha, mfumo huu huzuiya binti aliyebaleghe asiolewe kwa kigezo kwamba ni mtoto/mwanafunzi ilhali hakuna makosa binti huyo kuziniwa. Kinachozuiliwa ni kuwa asiolewe tu.
Mfumo huu unajifanya kupaza sauti juu dhidi ya suala la ajira kwa watoto hususan ajira hatarishi kama za uvuvi, migodini, viwandani nk. ila hauna namna ya kuwahakikishia raia jumla sio watoto tu, hali nzuri ya maisha. Bali mfumo huu kwa sera zake za kinyonyaji, makodi na dhulma ya kiuchumi ndio unapelekea wazazi  na kila wanyonge kushindwa kujimudu kimaisha na badala yake huhitaji wapate msaada wa watoto wao, hata bado wakiwa wadogo. Huku mfumo huu unadanganya kwa kauli mbiu ya uwongo ati kusoma shule ni haki ya msingi ya mtoto. Vipi mtoto huyu ataweza kwenda shule bila ya kudhamini maisha yake na maisha ya wazazi wake ? Tafiti zote kuhusu ajira kwa watoto  zinaonesha chanzo kikuu ni umasikini.

Baadhi ya watoto huwa kwenye mazingira magumu ambayo huwafanya ni lazima watafute shughuli ya kufanya ili kujipatia riziki yao. Ubepari  umeshindwa kudhamini maisha ya watoto wa kawaida na mayatima katika kuhakikishia ustawi wao. Matokeo yake baadhi yao wamekuwa hawana jinsi amma wawe  ombaomba au hulazimika kufanya kazi ngumu ili wajipatie kipato cha kujikimu wao na familia zao.
Mfumo wa kidemokrasia na wanaojiita wanaharakati wake wamezingirwa na upofu wa makusudi wa kujitakia, matokeo yake wamekuwa hawatoi masuluhisho kamili na ya uhakika juu ya suala hili na mengineyo kwa jamii.

Ukweli wa mambo ni kuwa mfumo wa kibepari ndio tatizo kwani kupitia kipimo chake cha maslahi umekuwa unawanyonya watu wote na sio watoto tu kwani tunaona maisha ya raia jumla wawe watoto, vijana  au wazee  yamo katika hali mbaya.
Suala hili pia  linadhihirisha unafiki mkubwa kwa mfumo huu wa kidemokrasia/kibepari. Kwa kuwa tunaona wanaojishughulisha kwenye tasnia zinazoitwa za burudani, kama vile muziki na filamu huwa wao kamwe hawatajwi kama ni watoto ambao wapo kwenye ajira haramu. Imekuwa maarufu kushuhudia watoto wadogo hata wa chini ya miaka 14 wakishughulishwa kwenye ajira za filamu na miziki. Kwa mfano, wasanii kama Britney Spears, Lil bow wow, Lil Wayne, Mr Blue, nk. walianza kuvuma kwenye fani za muziki wakiwa chini ya umri wa miaka 15. Pia tumeshuhudia wasanii kama vile Macaulay Culkin, Lulu nk. walianza  kuvuma kwenye tasnia ya filamu za maigizo ilhali  wakiwa wadogo bado.
Kwa hakika ni wazi kwamba mfumo wa kibepari na nidhamu yake ya kisiasa ya kidemokrasia imefeli kuwahakikishia wanadamu maisha salama. Wawe watoto au watu wazima. Na wanachojaribu ni kujificha mgongo wazi.  

Comments

Post a Comment

Popular posts from this blog

WATOTO WA MITAANI NA JINSI YA KUWASAIDIA

-
Image
Ukatili dhidi ya watoto umeongeza idadi ya watoto wanaoishi kwenye mazingira hatarishi licha ya kuwepo juhudi za kupambana na tatizo hilo.        Watoto wanaoishi katika mazingira hayo, huathirika kisaikolojia kutokana na kujiingiza katika vitendo vya matumizi ya gundi na dawa za kulevya, huku sehemu ya jamii katika ngazi ya familia na kuficha tatizo badala ya kulipeleka kwenye vyombo vya dola. Wanafanya hivyo kwa maelezo kuwa wanaogopa aibu, matokeo yake kuna ongezeko la watoto wa mtaani, baadhi ambao bado wapo chini ya matunzo ya wazazi wao, lakini wanajiingiza katika tabia ya kuomba fedha na wanaonekana mitaani katika miji mbali mbali nchini. Ukatili unafanyika dhidi ya watoto kuanzia ngazi ya familia na ndugu wa karibu kwa kumbaka au kumlawiti mtoto anyeishi nao. Sheria ya mtoto namba 21 ya mwaka 2009, inalenga kurekebisha na kuimarisha sheria zote zihusuzo watoto, kuainisha haki, kukuza na kulinda maslahi bora ya watoto kwa mujibu wa sheria. Kuna uwezekano wa kul
Read more

TUWAKUMBUKE WATOTO WENYE MTINDIO WA UBONGO KAMA KUNDI MAALUM KATIKA JAMII ZETU

-
Image
  Stephanie Koster Mama Mlezi wa Kituo cha Mt. Nicholaus Children Center Akisoma Historia ya Kituo Kwa Wageni Waliotembelea Kituo hapo tarehe 05/02/2013 Mwanadamu mkamilifu apoamka asubuhi na kuanza siku yake kwa kutekeleza majukumu yake ya kawaida ya kila siku ya kujiingizia kipato halali cha kujikimu na kuyafanya maisha yasonge mbele huwa siyo rahisi kukumbuka kuwa kuna binadamu ambao wanahitaji msaada na uangalizi wa karibu sana. Mashirika, Taasisi mbalimbali za serikali na binafsi aidha watu mmoja mmoja katika kuangalia makundi maalum ya kusaidia mara nyingi huwakumbuka watoto yatima na waishio katika mazingira magumu, wazee na walemavu wa viungo. Lakini kuna kundi maalum ambalo jamii hulisahau bila kulipa kipaumbele.. Walemavu wenye utindio wa ubongo katika jamii zetu za kitanzania husaulika sana na kuachwa bila msaada wowote wa karibu, mfano kupatiwa huduma ya karibu kama huduma za kiafya, elimu aidha kuwa na mahusiano ya kawaida katika j
Read more

AYA ZA BIBLIA KUHUSU WATU WENYE ULEMAVU

-
Image
    YOHANA 9:2-7 Wanafunzi wake wakamwuliza Wakisema Radi, ni yupi aliyetenda dhambi, mtu huyu au wazazi wake, hata zaliwe kipofu? Yesu akajibu, Huyu hakutenda dhambi wala wazazi wake; bali kazi za Mungu zidhihirishwe ndani yake. Imetupasa kuzifanya kazi zake yeye aliyenipeleka maadamu ni mchana na usiku waja asipoweza mtu kufanya kazi. Muda nilipo ulimwenguni mimi ni nuru ya ulimwengu. Alipokwisha kusema hayo alitema mate chini, akaifanya tope kwa yale mate. Akampaka kipofu tope za macho, akamwambia Nenda kanawe katika birika ya Siloamu, basi akaenda na kunawa; akarudi anaona. Basi jirani zake na wale waliomwona zamani kuwa ni mwombaji wakasema, Je! Huyu si Yule aliyekuwa akiketi na kuomba? Wengine wakasema, ndiye wengine wakasema La, lakini amefanana naye. Yeye mwenyewe alisema, Mimi ndiye.    Mwandishi wa kitabu hiki amenikumbusha mbali, hasa kutokana na mitazamo hasi katika jamii dhidi ya walemavu kwa ujumla, ila pia nimepata amani hasa nilipotazama kumbe mita
Read more