WITO KWA WAZAZI

-


OFISA ELIMU ATAKA WAZAZI WASIWAFICHE WATOTO WALEMAVU

OFISA Elimu wa Manispaa ya Iringa anayeshughulikia elimu ya msingi, Angelous Kisiga, amewataka maofisa watendaji wa kata, mitaa na wenyeviti wa vitongoji katika manispaa hiyo, kuendesha msako wa kuwafichua wazazi wenye tabia ya kuwaficha watoto wenye ulemavu ili wasipatiwe elimu.

Akizungumza na MTANZANIA jana, ofisa elimu huyo alisema kuna baadhi ya wazazi wenye tabia ya kuwaficha watoto wenye ulemavu badala ya kuwapeleka shuleni, jambo ambalo ni sawa na ubaguzi.

Aliwataka kuhakikisha wanatimiza wajibu wao kwa kuhakikisha watoto wote wenye umri wa kuanza masomo wanapelekwa shule bila kujali kama ni walemavu au siyo walemavu.

Pia aliwataka wakazi wa manispaa hiyo, kusaidiana na Serikali katika kuwafichua wazazi wenye tabia hiyo ya kuwaficha watoto wenye ulemavu, ili wapatiwe elimu kama ilivyo kwa watoto wasiokuwa walemavu.

Kisiga alisema watoto wote bila kujali ulemavu wao, wanayo haki ya msingi ya kupatiwa elimu, jambo ambalo lazima jamii iwafichue wazazi ambao hawapo tayari kuwapeleka shule, ili wakaanze masomo.

“Tatizo lililopo ni kwamba, wazazi wanawaficha watoto wenye ulemavu ili wasianze masomo wakati watoto hao wana haki ya kupewa elimu kama ilivyo kwa watoto wengine.

“Ubaguzi huu lazima jamii iukatae na iwafichue wazazi hawa ili wachukuliwe hatua, ikiwa ni pamoja na kuwapeleka shule watoto hao.

“Jamani ni jukumu la kila mzazi kuhakikisha mtoto wake anapatiwa elimu ya awali, msingi, sekondari na chuo bila kujali alivyo, kwa kuwa ulemavu siyo kushindwa masomo,” alisema Kisiga.

Kwa upande wao, baadhi ya wazazi wenye watoto walemavu katika Manispaa ya Iringa, waliiomba Serikali kuandaa mazingira mazuri ya kusomea watoto hao kwa kuwa shule nyingi hazina miundombinu inayofaa kwa watu wenye ulemavu.

“Mtoto wangu sijampeleka shule kwa sababu anatambaa japo ana akili ya kuweza kusoma na kama kungekuwa na shule nzuri jirani, ningempeleka.

“Kwa hiyo, Serikali itusaidie, kwani hatupendi kukaa na watoto majumbani, badala yake mazingira ndiyo yanayotulazimisha,” alisema Cresensia Mgimwa, mkazi wa Kihesa, Manispaa ya Iringa.

Comments

  1. Fabiola ClaudeJuly 4, 2013 at 3:01 AM

    yani tunapowaficha watoto haisaidii kitu kwa wazazi zaidi ni kumtenga mtoto na kumyima haki yake ya kujitegemea maishani mwake ambapo atabaki kunyanyasika na kuwa tegemezi kwa familia na pia akijiona yeye ni mzigo kwa familia, Wazazi,ndugu na jamaa msiwafiche watoto walemavu,wapeni nafasi ya kuonyesha vingi walivyojaliwa na Mungu mbali ya ulemavu walonao, Disability ama ulemavu haimaanishi hawawezi,, Give them chance,don't hide them they can do better beyond our expectations.

    ReplyDelete

Post a Comment

Popular posts from this blog

WATOTO WA MITAANI NA JINSI YA KUWASAIDIA

-
Image
Ukatili dhidi ya watoto umeongeza idadi ya watoto wanaoishi kwenye mazingira hatarishi licha ya kuwepo juhudi za kupambana na tatizo hilo.        Watoto wanaoishi katika mazingira hayo, huathirika kisaikolojia kutokana na kujiingiza katika vitendo vya matumizi ya gundi na dawa za kulevya, huku sehemu ya jamii katika ngazi ya familia na kuficha tatizo badala ya kulipeleka kwenye vyombo vya dola. Wanafanya hivyo kwa maelezo kuwa wanaogopa aibu, matokeo yake kuna ongezeko la watoto wa mtaani, baadhi ambao bado wapo chini ya matunzo ya wazazi wao, lakini wanajiingiza katika tabia ya kuomba fedha na wanaonekana mitaani katika miji mbali mbali nchini. Ukatili unafanyika dhidi ya watoto kuanzia ngazi ya familia na ndugu wa karibu kwa kumbaka au kumlawiti mtoto anyeishi nao. Sheria ya mtoto namba 21 ya mwaka 2009, inalenga kurekebisha na kuimarisha sheria zote zihusuzo watoto, kuainisha haki, kukuza na kulinda maslahi bora ya watoto kwa mujibu wa sheria. Kuna uwezekano wa kul
Read more

TUWAKUMBUKE WATOTO WENYE MTINDIO WA UBONGO KAMA KUNDI MAALUM KATIKA JAMII ZETU

-
Image
  Stephanie Koster Mama Mlezi wa Kituo cha Mt. Nicholaus Children Center Akisoma Historia ya Kituo Kwa Wageni Waliotembelea Kituo hapo tarehe 05/02/2013 Mwanadamu mkamilifu apoamka asubuhi na kuanza siku yake kwa kutekeleza majukumu yake ya kawaida ya kila siku ya kujiingizia kipato halali cha kujikimu na kuyafanya maisha yasonge mbele huwa siyo rahisi kukumbuka kuwa kuna binadamu ambao wanahitaji msaada na uangalizi wa karibu sana. Mashirika, Taasisi mbalimbali za serikali na binafsi aidha watu mmoja mmoja katika kuangalia makundi maalum ya kusaidia mara nyingi huwakumbuka watoto yatima na waishio katika mazingira magumu, wazee na walemavu wa viungo. Lakini kuna kundi maalum ambalo jamii hulisahau bila kulipa kipaumbele.. Walemavu wenye utindio wa ubongo katika jamii zetu za kitanzania husaulika sana na kuachwa bila msaada wowote wa karibu, mfano kupatiwa huduma ya karibu kama huduma za kiafya, elimu aidha kuwa na mahusiano ya kawaida katika j
Read more

AYA ZA BIBLIA KUHUSU WATU WENYE ULEMAVU

-
Image
    YOHANA 9:2-7 Wanafunzi wake wakamwuliza Wakisema Radi, ni yupi aliyetenda dhambi, mtu huyu au wazazi wake, hata zaliwe kipofu? Yesu akajibu, Huyu hakutenda dhambi wala wazazi wake; bali kazi za Mungu zidhihirishwe ndani yake. Imetupasa kuzifanya kazi zake yeye aliyenipeleka maadamu ni mchana na usiku waja asipoweza mtu kufanya kazi. Muda nilipo ulimwenguni mimi ni nuru ya ulimwengu. Alipokwisha kusema hayo alitema mate chini, akaifanya tope kwa yale mate. Akampaka kipofu tope za macho, akamwambia Nenda kanawe katika birika ya Siloamu, basi akaenda na kunawa; akarudi anaona. Basi jirani zake na wale waliomwona zamani kuwa ni mwombaji wakasema, Je! Huyu si Yule aliyekuwa akiketi na kuomba? Wengine wakasema, ndiye wengine wakasema La, lakini amefanana naye. Yeye mwenyewe alisema, Mimi ndiye.    Mwandishi wa kitabu hiki amenikumbusha mbali, hasa kutokana na mitazamo hasi katika jamii dhidi ya walemavu kwa ujumla, ila pia nimepata amani hasa nilipotazama kumbe mita
Read more