ONGEZEKO LA WATOTO WA MITAANI NA OMBAOMBA

-
IDADI kubwa ya watoto wadogo wanaoishi katika mazingira hatarishi inaweza kutishia amani nchini, ikiwa hatua za makusudi hazitachukuliwa kuokoa kizazi hicho.
Hayo yalielezwa jana na Mkurugenzi wa Mradi wa Tuwalee  FHI 360, Levina Kikoyo mara baada ya kufanyika kwa uzinduzi wa ripoti iliyofadhiliwa na Shirika la Misaada na Maendeleo la Watu wa Marekani (USAID) ya utafiti uliofanyika kuanzia Februari mwaka huu juu ya kasi ya ongezeko la watoto hao.
Alisema kwa sasa taifa lina watoto wengi walio katika mazingira hatarishi kutokana na kutopata elimu na kusababisha pia ongezeko la watoto hao mitaani, hali itakayozaa wimbi la ujambazi na uhalifu nchini katika siku za mbele.
       
Alieleza kuwa kwa sasa zaidi ya watoto milioni 2 wanaishi katika mazingira hatarishi na hata wengine kujihusisha na shughuli za kuomba mitaani, na hivyo kuzua hofu ya matokeo mabaya kwa taifa.
Alisema utafiti wao waliofanya katika wilaya zote tatu za Mkoa wa Dar es Salaam wamebaini asilimia 90 ya ombaomba watoto wamezaliwa katika familia iliyokuwa na ombaomba mmoja au wawili.
Naye ofisa mwandamizi wa ulinzi wa watoto kutoka FHI 360, Judith Masasi, alisema kuwa ongezeko kubwa la watoto kuomba na wazazi wao linatoa changamoto kwa wadau wote wanaofanya kazi za kuhakikisha watoto wote wanaishi katika mazingira salama, kuweka mikakati endelevu ya kuwahudumia.
Alisema suala hilo linahitaji mipango maalumu ya dhati ikijumuisha wadau mbalimbali ili kuwepo na mfumo unaolenga kuwasaidia watoto hao kwa kuimarisha familia na jamii kwa ujumla.
              
“Ripoti hii pia imeonyesha kuwa asilimia 75 ya watoto waliohojiwa wapo kati ya umri wa miaka sita hadi 14 na asilimia 64 yao wamesema wangependa kujiunga tena na masomo,” alisema Masasi.
Alisema zipo jitihada zilizofanywa hadi sasa katika kuhakikisha watoto hao na wazazi au walezi wanasaidiwa na kuondolewa katika hali ya kukosa fursa na haki zao, lakini matokeo yameshindwa kutatua matatizo yaliyochangia ongezeko la watoto wa mitaani.
Awali akifungua mkutano huo kwa niaba ya Mkuu wa Mkoa wa Dar es Salaam, Victoria Bura alisema kuwa serikali imekuwa ikijadiliana na taasisi mbalimbali ili kujua hatua madhubuti ya kuchukua katika kudhibiti wimbi la watoto hawa.

Comments

Post a Comment

Popular posts from this blog

WATOTO WA MITAANI NA JINSI YA KUWASAIDIA

-
Image
Ukatili dhidi ya watoto umeongeza idadi ya watoto wanaoishi kwenye mazingira hatarishi licha ya kuwepo juhudi za kupambana na tatizo hilo.        Watoto wanaoishi katika mazingira hayo, huathirika kisaikolojia kutokana na kujiingiza katika vitendo vya matumizi ya gundi na dawa za kulevya, huku sehemu ya jamii katika ngazi ya familia na kuficha tatizo badala ya kulipeleka kwenye vyombo vya dola. Wanafanya hivyo kwa maelezo kuwa wanaogopa aibu, matokeo yake kuna ongezeko la watoto wa mtaani, baadhi ambao bado wapo chini ya matunzo ya wazazi wao, lakini wanajiingiza katika tabia ya kuomba fedha na wanaonekana mitaani katika miji mbali mbali nchini. Ukatili unafanyika dhidi ya watoto kuanzia ngazi ya familia na ndugu wa karibu kwa kumbaka au kumlawiti mtoto anyeishi nao. Sheria ya mtoto namba 21 ya mwaka 2009, inalenga kurekebisha na kuimarisha sheria zote zihusuzo watoto, kuainisha haki, kukuza na kulinda maslahi bora ya watoto kwa mujibu wa sheria. Kuna uwezekano wa kul
Read more

TUWAKUMBUKE WATOTO WENYE MTINDIO WA UBONGO KAMA KUNDI MAALUM KATIKA JAMII ZETU

-
Image
  Stephanie Koster Mama Mlezi wa Kituo cha Mt. Nicholaus Children Center Akisoma Historia ya Kituo Kwa Wageni Waliotembelea Kituo hapo tarehe 05/02/2013 Mwanadamu mkamilifu apoamka asubuhi na kuanza siku yake kwa kutekeleza majukumu yake ya kawaida ya kila siku ya kujiingizia kipato halali cha kujikimu na kuyafanya maisha yasonge mbele huwa siyo rahisi kukumbuka kuwa kuna binadamu ambao wanahitaji msaada na uangalizi wa karibu sana. Mashirika, Taasisi mbalimbali za serikali na binafsi aidha watu mmoja mmoja katika kuangalia makundi maalum ya kusaidia mara nyingi huwakumbuka watoto yatima na waishio katika mazingira magumu, wazee na walemavu wa viungo. Lakini kuna kundi maalum ambalo jamii hulisahau bila kulipa kipaumbele.. Walemavu wenye utindio wa ubongo katika jamii zetu za kitanzania husaulika sana na kuachwa bila msaada wowote wa karibu, mfano kupatiwa huduma ya karibu kama huduma za kiafya, elimu aidha kuwa na mahusiano ya kawaida katika j
Read more

AYA ZA BIBLIA KUHUSU WATU WENYE ULEMAVU

-
Image
    YOHANA 9:2-7 Wanafunzi wake wakamwuliza Wakisema Radi, ni yupi aliyetenda dhambi, mtu huyu au wazazi wake, hata zaliwe kipofu? Yesu akajibu, Huyu hakutenda dhambi wala wazazi wake; bali kazi za Mungu zidhihirishwe ndani yake. Imetupasa kuzifanya kazi zake yeye aliyenipeleka maadamu ni mchana na usiku waja asipoweza mtu kufanya kazi. Muda nilipo ulimwenguni mimi ni nuru ya ulimwengu. Alipokwisha kusema hayo alitema mate chini, akaifanya tope kwa yale mate. Akampaka kipofu tope za macho, akamwambia Nenda kanawe katika birika ya Siloamu, basi akaenda na kunawa; akarudi anaona. Basi jirani zake na wale waliomwona zamani kuwa ni mwombaji wakasema, Je! Huyu si Yule aliyekuwa akiketi na kuomba? Wengine wakasema, ndiye wengine wakasema La, lakini amefanana naye. Yeye mwenyewe alisema, Mimi ndiye.    Mwandishi wa kitabu hiki amenikumbusha mbali, hasa kutokana na mitazamo hasi katika jamii dhidi ya walemavu kwa ujumla, ila pia nimepata amani hasa nilipotazama kumbe mita
Read more